HERI WAPATANISHI

Hakika  'R' ya Kwanza imefanya kazi  Ngorongoro!

Salute! Kwa Amiri Jeshi Mkuu wa Majeshi ya Ulinzi na Usalama, Mh. Rais Samia Suluhu Hassan. 

" Heri Wapatanishi........."

Blogger Templates

HAPPY NEW YEAR 2022

Blogger Templates

Asanteni Sana WanaCCM 2017

 Wanachama wa CCM;  Rafiki  na ndugu zangu;

 Asanteni sana kwa kunitia moyo na kunifanya kuwa Mgombea Uwenyekiti CCM Mkoani Mara.

"Mpira wangu waweza kuwa umegonga nguzo ya goli; lakini bado upo uwanjani ; bado upo mchezoni"

Ada ya mja hunena Muungwana ni  kitendo.  Kwa kila jambo na majira yake. Tutakiane Kheri katika mwaka mpya wa 1918.

REST IN PEACE - COMRADE SOSPETER KONGOLA KARAMBA

BURIANI KAMARADE SOSPETER  KONGOLA WA KARAMBA

Kwa mara nyingine tena, kauli isiyobadilika wala kuulizwa ya Mola wetu pale Bustanini Edeni, akinena “….hakika mtakufa” imetimia:  Tarehe 18/03/1016, mauti imezuru katika familia ya Karamba!   

Kwa butwaa na huzuni mkubwa, tulipokea taarifa hiyo iliyobeba simanzi tokana na kifo cha Kijana Sospter  Kongola akiwa katika matibabu huko Dar es salaam.

Ewe Mauti ya Mwili kamwe, hutaweza kutuondolea kumbukumbu ya ushirika usio mipaka na huduma njema zenye umilisi na adala ya mtu wa watu, mdogo wetu Kongola.

Tunakiri kuwa kifo huleta simanzi, lakini imani husababisha fikra tunduizi za maisha baada ya maisha ya hapa duniani. Pale ambapo, tunasema ni mwisho wa maisha ya kiwavi, hakika ni mwanzo wa maisha ya kipepeo! Japo amekufa, mdogo wetu ameanza maisha mapya!

Ewe kifo, waweza kusababisha mtanziko; tena una uwezo wa kuitenga miili yetu lakini kamwe huwezi kuzitenga roho zetu; huwezi kuzifuta hisia zetu,  kumbukumbu za maisha wala picha isiyofutika ya tabasamu la Kongola lililoashiria ushirika wake katika jamii.

Tunamkumbuka kwa mengi ya kutufunza sisi ambao bado tunaendelea kujaliwa nafasi ya kuishi hapa duniani.  Sosy  atakumbukwa kwa ucheshi na kujenga mahusiano na watu wengi  huku akiwapa misaada mbalimabli iliyokuwa ndani ya uwezo wake.  

Tunakiri kuwa:  “KIFO HUACHA MAUMIVU YA MOYO, HAKUNA AWEZAYE KUYATIBU,

 BALI UPENDO HUACHA KUMBUKUMBU, HAKUNA AWEZAYE KUIIBA”. KOMREDI SOSY KONGOLA,  KATIKA KUSANYIKO HILI LENYE SIMANZI, UPENDO WETU KWAKO UMETUACHIA  KUMBUKUMBU ISIYOIBIWA AMBAPO TUNAENDELEA KUKUPIGIA SALUTI TUKIENZI CHAPA  ULIZOTUACHIA KATIKA SAFARI YA MAISHA YAKO HAPA DUNIANI.

PENGINE WENGINE WATAELEZA MENGINE YANAYOJIKITA KATIKA MAPUNGUFU YAKO KAMA BINADAMU AMBAYO HATA WAO WANAYO;  SISI  TUTAENDELEA KUELEZA  NA KUJIFUNZA NA KUYATUNUKU MAISHA YAKO YA:-

Ø  UCHESHI NA  UTANASHATI ULIOTUKUKA MAHALA POPOTE, KILA WAKATI ,

Ø  URAFIKI  NA USHIRIKA MWANANA  KWA WATU WENGI PASIPO MIPAKA ISIYO NA TIJA,

Ø  UTUMISHI WAKO HODARI  KAMA MFANYAKAZI  KATIKA IDARA YA AFYA NA USTAWI WA JAMII  ULIYEAJIBIKA KWA MAADILI YA UTUMISHI WAKO,

Ø  USHIRIKI WAKO KWA VITENDO KATIKA SHUGHULI ANUAWI ZA SIASA, MAENDELEO YA KIJAMII NA  KIUCHUMI.

Si maandishi wala machozi yetu, yanayoweza kuonyesha kwa ukamilifu  huzuni tuliyo nayo moyoni mwetu kwa kuachwa na mpendwa wetu. Nawasihi tumuenzi Kongola kwa kuiga yale mema aliyoyatenda katika jamii.

Wana Familia, Jamaa, Marafiki,Wana – KMT, Wana CCM na wafiwa wote kwa ujumla poleni sana kwa msiba huu.

Faraja kuu na mioyo ya subira iwe nasi sote toka kwa Rabuka wetu hata katika mwamba huu tusioweza kuupanda kama Zaburi 61:2 ituelekezavyo:  

“Toka mwisho wa nchi nitakulilia nikizimia moyo, uniongoze juu ya mwamba nisioweza kuupanda.”

Tunawapa pole wafiwa wote kwa msiba huu mkubwa.

Buriani Sosy, Buriani Komredi Kongola.

Dkt.  Musuto wa Mutaragara wa Chirangi

Mmoja wa Rafiki Wengi wa Kongola.

KILA LA KHERI, SOTE TUSHIRIKIANE KUFANYA KAZI TU!

Baada ya kula viapo stahiki, mbele ya Jaji Mkuu;tunamtakia 

Rais na Amiri Jeshi Mkuu wetu wa Jamhuri ya Muungano wa Tanzania Mh. Dkt.  John Pombe Joseph Magufuli kila la kheri katika majukumu hayo makubwa na ya juu nchini kwetu. 

Aidha sote tunabaki na wito wa kuweka kando tofauti zetu na kudumisha umoja wa kitaifa huku tukifanya kazi kwa bidii na uadilifu kwa ajili ya maendeleo yetu na Taifa letu kwa ujumla.

Hongera Prof. Dkt. S. Muhongo - Mbunge Mteule

Tunampongeza Prof. Dr. Sospeter Muhongo (Ordre des Palmes Académiques), Kwa kuchaguliwa kwa kura nyingi kuwa Mbunge katika Jimbo la Uchaguzi la Musoma Vijijini kupitia Chama cha Mapinduzi katika Uchaguzi Mkuu uliofanyika tarehe 25/10/2015.

Kwa uelewa na mapenzi ya wananchi wa Jimbo lake wakizingatia Kauli Mbinu yake:

 'TUKUZE UCHUMI ;TUONDOE UMASKINI PAMOJA'

Wananchi wameongea kupitia sanduku la kura.

Tunamtakia kila la kheri katika uwakilishi wa Jimbo na katika kulitumikia Taifa kwa ujumla.
Tuna imani naye katika uwajibikaji wa kweli katika kukuza uchumi kwa maendeleo ya Watanzania wote. 

Shukrani za kipekee, zimfikie Mkewe, Mama yetu, Bibi Bertha Muhongo (Msc, MBA), Timu nzima ya Kampeni na wote walioshiriki katika kufanikisha ushindi huu, hususan Wapiga Kura - Wananchi wa Musoma Vijijini. 

SHUKRANI KWA WANANCHI: OMWAKA GWO OBHWATASYO NA IMPOKOCHOLE.

Kama ambavyo niliendelea kufanya toka tarehe 01/08/2015; naendelea kuwashukuru kupitia blogu yangu  watu  wote walioniunga mkono na hata ambao hawakuniunga mkono kwa namna moja au nyingine katika Kura za Maoni katika nafasi Ubunge Jimbo la Musoma Mjini.

Waweza sikiliza na kudadavua zaidi kwa kujikumbusha vionjo vya 'Omwaka gwo Obhwatasyo na Impokochole' hapa:

Maisha yanaendelea, hata baada ya Uchaguzi!

Tanzania Tubaki kuwa Kisiwa cha Amani! 

wa- Chirangi, PhD

Dr. Chirangi urges Nurses to serve with competence & integrity

Musuto wa Mutaragara wa Chirangi, akiwapa Wosia Wahitimu na Wadau wa Taaluma ya Uuguzi  katika Chuo cha Sayansi za Afya - Kisare; Serengeti.

AFYA JUMUISHI

Utaifa kwanza: Siku bendera ya nchi yetu ilipepea kwenye mlingoti katika 

Kitivo chetu cha Sayansi- Leiden University. Niko na Msimamizi wangu Prof. Slikerveer

Nyumbani  nikiwa na Mke wangu mwenye furaha Dr. Marja Chirangi, MD, MPH.  

Kutoka kushoto(kwako): Prof. Lionis (Ugriki), wa- Chirangi (Tanzania), Prof. Slikkerveer (Uholanzi) Prof. Joesron (Indonesia) wajumbe wa kamati ya Udaktari wa Falsafa (PhD)

Pembeni kabisa kushoto  na kulia ni Miss Judith (PhD Cand) toka Austria na Mr. Kurniawan (PhD Cand) kutoka Indonesia watu walionisindikiza kama Wapambe wa Kitaaluma (Paranymphs) kwa mujibu wa desturi za tukio hili  kwenye meza ya Utetezi wa Tasnifu 

Kushoto kwangu ni baba Mh. Prof. Muhongo ambaye pia alihudhuria na uwepo wake ulitambuliwa kipekee na Wanadhuoni  zaidi kutokana na yeye kuwa Profesa.

Hiki ndicho kitabu changu chenye Tasnifu yangu niliyoitetea yenye sura 8; kurasa 301; maneno 127,335 ambayo nimeitabaruku (dedicated) kwa Baba yetu kwa kauli ya wazi nikinena, 

This dissertation is dedicated to our beloved father, the late Mutaragara Chirangi wa Muhongo (1932 - 2007), an exemplary social, political and religious individual whose challenging legacies on innate strategic planning, efficient use of time, attention to the disadvantaged, zero tolerance on corruption, indefatigable documentation and preservation of indigenous knowledge shall continue to be evidenced in the annals of his prosopography.

 Wakati wa kusaini katika ukuta ndani ya Academy Building kuungana na wote waliowahi kuhitimu au kutunikiwa Shahada na Leiden University (Chuo cha awali Uholanzi) toka 1575 kilipoanzishwa na William, Prince of Orange. Ukutani zipo saini za akina Albert Einstein, Malkia Juliana, Malkia Beatrix, mwana wa Ufalme Willem Alexander, Nelson Mandela n.k

 

Hiki ni mojawapo ya vyumba (Senate Room) ambapo katika utamaduni na hekima ya toka enzi za mababu na mabibi katika Chuo kikuu cha Leiden watahiniwa wa uzamivu huletwa na kuulizwa maswali na jopo la wanadhuoni maprofesa kabla ya kukabidhiwa shahada za uzamivu

______________________________________

Namtukuza Mwenyezi Mungu mwenye rehema na nawashukuru Msimamizi wangu Prof. Dr. L.J.Slikkerveer, Wahadhiri wangu, Wazazi wangu, Familia yangu, Ndugu zangu, Marafiki zangu, Mwajiri wangu na Serikali yetu ya Jamhuri ya Muungano wa Tanzania kwa maombi, kunipa moyo au kwa misaada yao anuwai wakati wa masomo yangu ya Udaktari wa Falsafa (Shahada ya Uzamivu).

Saa 8.00 Mchana, ya tarehe 17 Aprili 2013 nilitetea Tasnifu yangu iliyohusu:
'AFYA JUMUISHI: KUELEKEA USHIRIKIANO WA KITAALUMA KATI YA WATUMISHI WA AFYA WA TIBA YA JADI NA YA KISASA KATIKA MKOA WA MARA, TANZANIA'

Katika Ukumbi wa Kiseneta wa Chuo Kikuu cha Leiden (Leiden University), Uholanzi ambapo Mkuu wa  Chuo (Rector Magnificus) alinitunuku gombo lenye Shahada ya Uzamivu na haki zake stahiki chini ya kitivo cha Sayansi (Faculty of Science) kwa mujibu wa sheria, taratibu zihusikanazo na pia tamaduni za Taasisi za Kisomi toka hekima za enzi za mababu na mabibi .

 Tasnifu yangu ni juu ya utafiti wiani (correctional research)  ulifanyika katika Mkoa wa Mara Tanzania ambao unaolenga kuleta mabadiliko ya ki-sera katika asasi na mlimbi wa watumishi wa afya.

Zoezi hili ni kiashiria tosha cha WITO WA KUENDELEA KUWAHUDUMIA WANANCHI KWA UFANISI ZAIDI  kwa ajili ya maendeleo ya Taifa letu Tanzania.





Mungu ibariki Tanzania,

wa Mutaragara wa Chirangi wa Muhongo wa Nyawayega wa Rihu.

KUHUSIKA KUUWA WANANCHI NA TAIFA !

Wanahabari wote Shomy (Binda News), Marato, Mgendi, Mayunga, Cales, Bonny, Timba na wengine wote na TBC, ITV, Star TV, Victoria FM, BBC(Swahili) na vyombo vyote vya habari ingawa ni wajibu wenu, binafsi nawapongeza sana kuendelea kutuhabarisha mambo kadha wa kadha. 

Leo (jana) kuna habari zimeumiza ubongo na moyo wangu sana. Kweli sote kama wananchi tuwe macho katika mambo kama haya yanayoua Raia na Taifa kwa ujumla. Habari hizo zilikuwa ni:

1. Mauaji ya kinyama ya wananchi Mkoani kwetu (imehusisha kiongozi wetu)

2. Biashara ya meno ya tembo (ikuhusisha Askari wetu) ambayo sasa ni biashara haramu iliyoratibiwa (organized crime) na taarifa ya CNN pia imethibitisha kuwa sasa biashara hii ni zaidi ya ile madawa ya kulevya na hata zaidi ya utoroshaji haramu wa dhahabu.

3. Mfanyabiashara mwizi (si mwekezaji) wa kiwanda Dar naye akishirikiana na Mtumishi wetu (kishoka) wa TANESCO wakakwepa kulipa deni la mamilioni linalowakabili la matumizi ya umeme kwa miaka na badala yake tena wakajiungia umeme bila kupitia kwenye mita na wakaendelea kuutumia bila kuulipia wakati mwananchi wa kawaida mwenye nchi anaitafuta nishati hiyo

4. Mfanya biashara wa (Dar) kukutwa anatoa stakabadhi yenye thamani ya fedha chini ya tshs. 10,000 wakati kauza zaidi ya laki moja hivyo kukwepa kulipa kodi ambayo ni pato la Taifa kuiwezesha Serikali kutoa huduma kwa wananchi na maendeleo ya nchi yetu. Kama mnunuzi unaweza kuona jambo dogo lakini hili janga kubwa sana katika Taifa ambalo lazima sote tubadilike kama lile la matumizi mazuri ya muda.

Musuto wa- Chirangi post on facebook

Like ·  · Promote

• Alhaj Aboubacar Majogoro, Baraka Kiondo and 2 others like this.
• 

  Seme Malima nin kifanyike ili wtu wacuawe na kodi ilipwe kwa wakat ili taifa liweze kutekeleza majukum yake ya msing
  kwa wananch wake

  Friday at 3:50am via mobile · Like
• 

  Musuto Wa- Chirangi Mchanyato wa mikakati kadhaa endelevu yenye ufanisi km vile:
   elimu kwa umma; mihadhara / mahubiri juu ya maisha mema na uzalendo; ajira hususani kwa vijana;
   ulinzi imara & shirikishi kwa raia na hata viongozi wa CHAWATIATA; wateja kudai stakabadhi halali; 
  kuwa na katiba inayojikita katika kuhakikisha kuwa kuna uwajibikaji madhubuti nchini katika kila ngazi kwa 
  kuimalisha mifumo ya mawasiliano, uratibu, udhibiti na usimamizi na bila kusahau agenda mtambuka ya
   kupunguzaji umaskini ambalo ni somo refu ktk kila nyanja ya maisha yetu; Mtaalam Seme!!

  Friday at 6:44am · Edited · Like · 1
• 

  Mwita Ayubu kwenye suala la receipt hapo!

  Friday at 6:51am · Unlike · 1
• 

  Shomari Binda shukrani brother Musuto Wa- Chirangi

  Friday at 7:56am · Unlike · 1
• 

  Antony Mayunga hapo umenena

  Friday at 3:23pm · Like
• 

  Kaneja Ibrahim Mangaru Lakini wote tumekwisha kuharibika,kama niugonjwa basi huu ni HATARI sana
   na tunahitaji daktari bingwa.Watanzania tulio wengi hasa watumishi wa sekta zote,ukifanya manunuzi ya 
  laki mbili unataka receip plain au iandikwe laki 4.Muuzaji akitukatalia tunak...See More

  Friday at 5:58pm · Like
• 

  Augustine Mgendi Shukran mkuututaendelea maana naamini ni wajibu wetu Jamii kufahamishwa

  Friday at 7:03pm · Like
• 

  Alhaj Aboubacar Majogoro Kuna tatizo kubwa sn la mmonyoko wa maadili unaoanzia katika 
  ngazi ya familia mpk taifa kwa ujumla....Bila kutafuna maneno nchi hii imebaki ni 'ukipata nafasi 
  EAT TO THE MAXMUM' na haya ni matokeo ya kutengeneza au kuzalisha vijana wengi wasiojua kesh...See More

  Friday at 9:12pm · Like
• 

  Musuto Wa- Chirangi @safi sana ndg zangu tunapojadili na kuyatekeleza yale mazuri 
  yanayopaswa maana ama sisi ndio waharibifu au sisi ndio wajengaji wa Taifa letu. 
  Mmenena vyema na tuendelee kuyatafakari haya kivitendo!

  Friday at 10:19pm · Like